Kryetari i Lidhjes Demokratike të Kosovës, Lumir Abdixhiku ka vizituar sot familjen e presidentit historik, Ibrahim Rugova për 80-vjetorin e lindjes së tij.

Abdixhiku bëri të ditur se tashmë shënimi i kësaj ditëlindje është bërë traditë ndërsa theksoi se bashkëshortja e presidentit Rugova, Fana kishte përgatitur ëmbëlsirën e preferuar të Presidentit, Tiramisu, përcjell Arbresh.info

Postimi i plotë:

Në 80 vjetorin e lindjes së Atit Themeltar të Republikës së Kosovës, Presidentit Historik Dr. Ibrahim Rugova, vizitova zonjën Fana dhe familjen Rugova.

Vizitën e bëra i shoqëruar me udhëtarët e bashkëpunëtorët e ngushtë të Presidentit; udhëtarë e bashkëpunëtorë të mi edhe sot, profesor Alush Gashin dhe profesor Muhamet Hamitin.

Në traditën tashmë të përvjetme të shënimit të kësaj ditëlindjeje, zonja Fana kishte përgatitur ëmbëlsirën Tiramisu, të preferuarën e Presidentit; të shijuar për herë të parë në Romë.

Presidenti ka vetëm ditëlindje!

80 vite më parë, lindi shqiptari më i madh i kohërave. Pjesa tjetër është një histori e paarritshme, e papërsëritshme.

Ajo na qëndron sot si dritë udhërrëfyese për të bërë të ardhmen!/Arbresh.info